“संबिधान संशोधन नै गर्ने हो भने सरकार बदल्ने खेलको अन्त्य गर्न प्रत्यक्ष निर्वाचित कार्यकारी प्रमुखको व्यवस्था हुनुपर्छ”-एमाले महासचिब इश्वर पोखरेल

ishwor-pokhrel1काठमाडौँ, १३ कात्तिक । नेकपा (एमाले) का महासचिव ईश्वर पोखरेलले संविधान संशोधन गर्ने हो भने प्रत्यक्ष निर्वाचित कार्यकारी प्रमुखको व्यवस्था हुनुपर्ने बताएका छन् ।

एमाले काठमाडौँ– ४ नम्बर वडा कमिटीले आज  आयोजना गरेको चियापान कार्याक्रममा उनले संविधानमा शासकीय स्वरुप र निर्वाचन प्रणालीमा संशोधन गर्नुपर्नेमा जोड दिएका छन् ।

सरकार बदल्ने र भत्काउने फोहोरी खेल बढेकाले अब मुलुक बनाउन प्रत्यक्ष कार्यकारीका लागि एमालेले पहल गर्ने उनको भनाई छ ।

महासचिव पोखरेलले भने,‘‘संविधान जसरी पनि जारी गर्नुपर्ने भएकाले हामीले अहिलेको शासकीय स्वरुप र निर्वाचन प्रणालीमा सहमति गर्न बाध्य भएका थियौँ’’ भन्दै ‘‘एमालेले सरकार छाडेपछि मोर्चा बदलिएको छ तर राष्ट्र निर्माणको मिसन बदलिएको छैन ।’’

उनले सामाजिक सद्भाव र मेलमिलापलाई भड्काउने विभिन्न प्रयास गरिए पनि मुलुकका राष्ट्रिय भावना समृद्ध बनाउने काम भएको र चाड पर्वले त्यस भावनालाई अझ मजबुत बनाएको बिचार व्यक्त गरे ।

कार्यक्रममा कमिटीका अध्यक्ष धु्रवराज त्रिपाठीले मुलुकको समृद्धिका लागि राजनीतिक स्थिरता कायम गर्न एमालेले भूमिका खेल्नुपर्ने बताए ।

यसमा तपाईको प्रतिक्रिया