प्रधानमन्त्री प्रचन्डलाई खतरनाक झट्का: मधेसी मोर्चाले दियो आज राति सम्मको अल्टिमेटम, रातिसम्म संशोधन प्रस्ताब दर्ता नगरे समर्थन फिर्ता

काठमाडौं, १३ मंसिर । संयुक्त लोकतान्त्रिक मधेसी मोर्चासहितका दलहरू आवद्ध संघीय गठबन्धनले आज रातिसम्म संविधान संशोधन प्रस्ताव दर्ता भएन भने सरकार गठबनका बेला भएको तीन बुँदे सहमतिको औचित्य समाप्त हुने चेतावनी दिएको छ ।

काठमाडौंको तीनकुनेस्थित संघीय समाजवादी फोरम नेपालको मुख्यालयमा आज बसेको गठबन्धनको बैठकले अल्टिमेटमभित्र सरकारले संशोधन प्रस्ताव दर्ता नगरे औचित्य समाप्त हुने र संघर्ष गर्ने निष्कर्ष निकालेको हो । बैठकपछि कुरा गर्दै राष्ट्रिय मधेस समाजवादी पार्टीका महासचिव एवम् प्रवक्ता केशव झाले अब आन्दोलनमा जानुको बिकल्प नरहेको बताउनुभयो ।

morcha‘सरकारलाई संशोधन प्रस्ताव दर्ता गराउन गठबन्धनले दिएको समय आज रातिसम्म सकिदैछ’, उहाँले भन्नुभयो, ‘दर्ता भएन भने ३ बुँदेको औचित्य समाप्त हुन्छ । त्यसपछि आन्दोलन घोषणा गरेर सडक ताउने नै हो ।’

सरकारले धेरै पटक झुठ बोलेको बताउनुभएका झाले भन्नुभयो, ‘सरकार आफैले तोकेर बोलका कतिपय कुरा पनि पूरा हुन सकेनन् ।’

तराई मधेस लोकतान्त्रिक पार्टीका अध्यक्ष महन्थ ठाकुर, सद्भावना पार्टीका अध्यक्ष राजेन्द्र महतो र राष्ट्रिय मधेस समाजवादी पार्टीका अध्यक्ष शरतसिंह भण्डारी विशेष कारणबस बैठकमा अनुपस्थित रहेकाले ठोस निर्णय नभए पनि बुधबारसम्म संघर्षका नयाँ कार्यक्रम घोषणा गर्ने गठबन्धनको तयारी छ ।

गठबन्धनले तत्कालका लागि एक महिने कार्यक्रम घोषणाको तयारी गरेको छ । त्यसका लागि सचिवालयले तयारी समेत थाल्नेछ ।

यसमा तपाईको प्रतिक्रिया